Find Us

 

 
Likes

Top News Top News

የኢትዮጵያ መንገዶች ባለስልጣን በ2ዐዐ9 በጀት ዓመት 97 በመቶ አፈጻጸም  አስመዘገበ፡፡

የኢትዮጵያ መንገዶች ባለስልጣን በ2009 በጀት ዓመት  በዋና መንገዶች ማጠናከር ፤ በዋና መንገዶች ደረጃ ማሻሻል ፤ በአገናኝ መንገዶች ደረጃ ማሻሻል ፣ በአገናኝ መንገዶች ግንባታ ፣ በመንገዶች ከባድ ጥገና ፣ በወቅታዊ እና መደበኛ ጥገና ሥራዎች 21339.1 ኪ.ሜ መንገዶችን ለመሥራት አቅዶ 20633.6 ኪ.ሜ መንገዶችን በመሥራት የዕቅዱን 97 በመቶ አፈፃፀም ማስመዝገቡን የባለሥልጣኑ የኮሙኒኬሽን ዳይሬክቶሬት አስታወቀ፡፡

በበጀት ዓመቱ  17 የመንገድ ኘሮጀክቶች ከ14 ቢሊዮን ብር በላይ የተጠናቀቁ ሲሆን፣ከተጠናቀቁት የመንገድ ኘሮጀክቶችም መካከል የያሎ - ነሂሌ፣ የተከዜ ወንዝ-አብአዲ ፣ የሳንጃ - ቀራቀር ፣የማዞሪያ - ሐዴሮ ፣ የሐዴሮ - ዱርጊ ፣ የጊዳሚ - ሙጊ፣  የኦቶሎ - ሳውላ ፣ የነቀምቴ - በደሌ ፣ የቱርሚ - ኦሞራቴ - ናምራፑዝ ፣የኮምቦልቻ - ቡርቃ ፣ የቡርቃ - ሚሌ፣ የአዘዞ - ጎርጎራ የመንገድ ኘሮጀክቶች  ይገኙበታል ፡፡ 


 

የዛሪማ-ማይፀብሪ 7ዐ ኪ.ሜ አስፋልት ኮንክሪት መንገድ ከ1.6 ቢሊዮን ብር በላይ ወጪ ተጠናቆ ተመረቀ፡፡

የዛሪማ-ማይፀብሪ 7ዐ ኪ.ሜ አስፋልት ኮንክሪት መንገድ ሥራ ከ1.6 ቢሊዮን ብር በላይ ወጪ ተጠናቆ ከፍተኛ የፌዴራልና የክልል አመራሮች የአካባቢው ነዋሪዎች በተገኙበት በዛሬው ዕለት መመረቁን የኢትዮጵያ መንገዶች ባለሥልጣን የኮሙኒኬሽን ዳይሬክቶሬት አስታወቀ:: የዚህን ከሊማሊሞ ተራራማ እና ገደላማ መልክዓ ምድር ባሻገር ከዛሪማ ተነስቶ በቅርቡ ከተጠናቀቀው የሽሬ-ማይፀብሪ መንገድ ጋር የሚያስተሳስረውን የመንገድ ግንባታ ያከናወነው የኢትዮጵያ ኮንስትራክሽን ኮርፖሬሽን ሲሆን የምህንድስና የቁጥጥርና የማማከር ሥራውን በጋራ ያከናወኑት መታፈሪያና ልደት አማካሪ ድርጅቶች ናቸው፡፡ የመንገድ ኘሮጀክቱ ከ219 በላይ ለሚሆኑ ቋሚ እና ከ4000 በላይ ለሚሆኑ ጊዜያዊ ሰራተኞች የሥራ ዕድል ፈጥሯል፡፡

 


ከ2.7 ቢሊዮን ብር በላይ በሆነ ወጪ የ 3 መንገዶችን ደረጃ ለማሳደግና ለመንገባት የሚያስችሉ የኮንትራት ስምምነቶች ተፈረሙ፡፡   

የሁለተኛው አምስት ዓመት የዕድገትና የትራንስፎርሜሽን ዕቅድ አካል የሆኑትንና በደቡብ ብ/ብ/ሕ/ክ/መ የሚገኘውን የቱርሚ -ኦሞ ፣ በኦሮሚያ ክልል የሚገኘውን የሮቤ-ጋሰራ ፣ በጋምቤላ - ኤሊያ ፣ የመንገድ ኘሮጀክቶችን ደረጃ ለማሳደግና ለመገንባት የሚያስችሉ የኮንትራት ውል ስምምነቶች ዛሬ መጋቢት 27 ቀን 2009 ዓ.ም በባለስልጣን መስሪያ ቤቱ የመሰብሰቢያ አዳራሽ ተፈረሙ፡፡ መንገዶቹ በአጠቃላይ 201.35 ኪ.ሜ ርዝመት የሚሸፍኑ ሲሆን፣ ለግንባታቸውም ከ2.7 ቢሊዮን ብር በላይ ወጪ እንደሚያስፈልግ ታውቋል፡፡ መንገዶቹ ከዚህ ቀደም ምንም የመንገድ መሰረተ ልማት ያልነበረባቸውና በጠጠር መንገድ ደረጃ የነበሩ ሲሆን ፣ ካላቸው ኢኮኖሚያዊና ማህበራዊ ጠቀሜታ አንፃር ታይቶ በአሁኑ ወቅት በአስፋልት ደረጃ እንዲገነቡ የውል ስምምነቱ ተፈርሟል፡፡ግንባታው በአገር በቀል ተቋራጮች የሚካሄድ ሲሆን የኘሮጀክቶቹ ወጪ ሙሉ በሙሉ በኢትዮጵያ መንግሥት የሚሸፈን ነው፡፡