News News

ለኢትዮጵያ መንገዶች ባለሥልጣን አዲስ ዋና ዳይሬክተር ተሾመ

ለኢትዮጵያ መንገዶች ባለሥልጣን አዲስ ዋና ዳይሬክተር ተሾመ

ከሰኔ 2007 . ጀምሮ በኢትዮጵያ መንገዶች ባለሥልጣን ዋና ዳይሬክተርነት ሲያገለግሉ የነበሩት አቶአርአያ ግርማይ የትራንስፖርት ሚኒስቴር ሚኒስትር ዴኤታ ሆነው ተሹመዋል፡፡ በተያያዘም የአዲስ አበባ መንገዶች ባለስልጣን ዋና ስራ አስኪያጅ የነበሩት አቶ ሃብታሙ ተገኝ የኢትዮጵያ መንገዶች ባለስልጣን ዋና ዳይሬክተር ሆነዋል፡፡

አቶ አርአያ ግርማይ በባለሥልጣን /ቤቱ ቆይታቸው ሲሰጡት በነበረው አመራር በመንገድ ዘርፍ ልማት የታቀደውን ዕቅድ ለማሳካት የበኩላቸውን አስተዋፅኦ አበርክተዋል፡፡ በመሆኑም በተመደቡበት የስራ መስክ መልካም የሥራ ዘመን እንዲሆንላቸው እንመኛለን፡፡

በአሁኑ ጊዜ ለባለሥልጣን /ቤቱ ዋና ዳይሬክተር ሆነው የተሾሙት አቶ ሃብታሙ ተገኝ በመንገድ መሰረተ ልማት ዘርፉ ከባለሙያነት አንስቶ እስከ ዋና ዳይሬክተርነት በማገልገል ላይ የሚገኙ ናቸው፡፡ አቶ ሃብታሙ ሥራቸውን የጀመሩት በኢትዮጵያ መንገዶች ባለሥልጣን ሲሆን ለመንገድ ግንባታ እጅግ አስቸጋሪ በሆኑ መልክዓ ምድሮች ጭምር የፕሮጀክት ስራ አስኪያጅ በመሆን ግንባታው በከፍተኛ ጥራት እና ፍጥነት እንዲሳካ አድርገዋል፡፡ ከዛም በመቀጠል የኢትዮጵያ ኮንስትራክሽን ሥራዎች ኮርፖሬሽን ዋና ሥራ አስፈጻሚ በመሆን አገልግለዋል፡፡ አቶ ሃብታሙ 2ዐዐ8 . ጀምሮ በአዲስ አበባ መንገዶች ባለሥልጣን በዋና ሥራ አስኪያጅነት ሲያገለግሉ የነበረ ሲሆን እስካሁን ሃላፊ ሆነው ባገለገሉባቸው ቦታዎች ሁሉ ስኬታማ የሆኑ ውጤቶችን አስመዝግበዋል፡፡ በዚህም መሰረት በአሁኑ ወቅት የኢትዮጵያ መንገዶች ባለሥልጣን ዋና ዳይሬክተር ሆነው ተሹመዋል፡፡

አቶ ሃብታሙ ተገኝ የባለሥልጣን /ቤታችን ዋና ዳይሬክተር ሆነው በመሾማቸው የተሰማንን ደስታ እየገለፅን የተቋሙ የስራ ሃላፊዎችና ሰራተኞች ከጎናቸው በመሆን በቀጣይ በምንሰራቸው ስራዎችም ከፍተኛ የሆኑ ውጤቶችን እናስመዘግባለን ብለን እናምናለን፡፡