News News

በቅርቡ የኢትዮጵያ መንገዶች ባለስልጣን ዋና ዳይሬክተር ሆነው የተሾሙት አቶ ሀብታሙ ተገኝ ከተቋሙ የስራ ሃላፊዎች ጋር ትውውቅ አደረጉ፡፡

በትውውቁ ኘሮግራም ላይ በአምስት ምዕራፍ ተከፋፍሎ ለ20  አመታት ሲካሄድ የቆየው የመንገድ ዘርፍ ልማት ፕሮግራሞች አፈጻጸም እና አበይት ክንውኖች ላይ ገለጻ ተደርጎላቸዋል፡፡
አቶ ሀብታሙ የኢትዮጵያ መንገዶች ባለስልጣን በቀጣይ የተቋሙን ውስጣዊ ብቃት ከፍ ለማድረግ ስራዎች እንደሚሰሩ ገልጸው ከዚህም ውስጥ መዋቅሩን፣የአሰራር ሥርዓቱን እና ፖሊሲ ና እቅዶች ላይ ትኩረት እንደሚደረግ ገልጸዋል፡፡
በሌላ በኩል ተቋሙ ለህዝቡ የሚሰጠው አገልግሎት በተመሳሳይ ሌላው የትኩረት አቅጣጫ መሆኑን ገልጸዋል፡፡ለዚህ ደግሞ እንደ ኢመባ ያሉ ግዙፍ ተቋማት በተለይም በስሩ የያዘውን የሰው ሀብት በአግባቡ አሟጦ እንዲጠቀም ተነሳሽነትን፣ቁርጠኝነትን መፍጠር እንደሚያስፈልግ ና ለስራው ደግሞ የኢንፎርሜሽን ቴክኖሎጂን በስፋት መጠቀም ወሳኝ መሆኑን ገልጸዋል፡፡ዋና ዳይሬክተሩ በገለጻቸው አገሪቷ በአሁን ሰአት እያሳየች ያለውን የለውጥ ሂደት ከሚታሰበው በላይ እጅግ ፈጣን መሆኑን አመልክተው ለዚህም የኢ.ፌ.ዲ.ሪ ጠቅላይ ሚኒስቴር ዶ/ር አብይ አህመድን የአጭርግዜ ለውጦችን በምሳሌነት አንስተዋል፡፡ 
በኢመባም በተመሳሳይ በያዝነው በጀት አመት በአጭር ግዜ ቢከናወኑያሉዋቸውን ነጥቦች አንስተዋል፡፡ከዚህም ውስጥ በቁጥር አንድ አጀንዳነት የተነሳው የአገሪቷን የመንገድ ሀብት በአግባቡ መጠበቅ እና መንከባከብ ነው፡፡
ቢሊዮን ብሮች ወጪ ተደርጎባቸው የተገነቡ መንገዶች ለህብረተሰቡ የሚጠበቅባቸውን ጠቀሜታ እንዲሰጡ ካልተደረገ ጉዳቱ የከፋ ነው ብለዋል፡፡ሌላው በአጭር ግዜ እቅድ የተነሳው በግንባታ ላይ ያሉ ና ያልተጠናቀቁ የተጓተቱ የመንገድ ግንባታ ፕሮጀክቶችን ርብርብ አድርጎ ለማጠናቀቅ እንደሚሰራ ገልጸዋል፡፡በተጨማሪም በቢሮአከባቢ ያለውን አገልግሎት አሰጣጥ ከነባሩ አካሄድ ተቀይሮ ክፍት
ና ግልጽ ማድረግ ይገባል ብለዋል፡፡

አቶ ሀብታሙ ተገኝ ለአንድ ተቋም ውጤት መሰረቱ ከላይ እስከታች ያለው ሰራተኛ በስራጉዳይ ተመሳሳይ ቋንቋ ማውራት፣ተመሳሳይ ራዕይ ና ተነሳሽነት ሲኖራቸው ነው ብለዋል፡፡በኢመባም በቀጣይ በመለወጥ ሂደት ውስጥ ቅንነትን ዋና መሰረታችን ና መገለጫችን አድርገን እንንቀሳቀሳለን ብለዋል፡፡
ለዚህ ደግሞ ወሳኙ ሁሉም ሰራተኛ የአንድቤተሰብ ስሜት መፍጠር ስንችል፣የሚማር የሚያስተምር ለለውጥ እራሱን ያዘጋጀ ሰራተኛ ሲኖር፣ሁሉም በእኩል ፍጥነት ለአንድአላማ መንቀሳቀስ የሚችል ሰራዊት መገንባት ስንችልነው ብለዋል፡፡በመጨረሻም ንግግራቸው የሚጠብቁን ፈተናዎች ብዙ ቢሆኑም ያለንን የሰው ሀይል ተጠቅመን በራሳችን መፍትሄ እያመነጨን የቦርዱን፣የመንግስትን፣የፓርላማውንእናየሌሎችባለድርሻአካላትንድጋፍጨምረንለተሻለለውጥእንሰራለንብለዋል፡፡